Juventus bdew kuntatt dwar ftehim potenzjali biex Rasmus Hojlund jerġa’ jiġi jilgħab fis-Serie A.
Hu skorja biss erba’ gowls fil-kampjonat Ingliż ma’ Manchester United filwaqt li ma laħaqx l-aspettattivi u issa jista’ jkun parti minn reviżjoni tal-iskwadra li ġejja taħt il-manager Ruben Amorim.
Hekk kif in-negozjati tal-kuntratt mal-attakkant attwali Dusan Vlahovic waqfu, Juventus qed iħejju għat-tluq tiegħu u jqisu lil Højlund bħala sostitut promettenti. Ritorn fil-futbol Taljan jidher li huwa possibbiltà realistika għall-attakkant żagħżugħ hekk kif it-taħditiet jimxu. Fil-fatt hu diġa’ lagħab ma’ Atalanta fl-istaġun 2022/23.
