Juventus lesti li jitkellmu mad-diriġenti ta’ Tottenham Hotspur li min-naħa tagħhom jixtiequ jiksbu s-servizzi tad-difensur Gleison Bremer. Dan tal-aħħar kien wieħed mill-plejers li spikka mal-Bianconeri sena wara li ngħaqad magħhom.
L-eks plejer ta’ Torino għandu x-xewqa li jmur jilgħab fil-Premier League Ingliż iżda The Spurs iridu joħorġu mill-but is-somma ta’ €80 miljun. Fil-fatt, Juventus mhux beħsiebhom ineħħu lil dan il-plejer bix-xejn minkejja li sena ilu huma xtrawh in-nofs ta’ dak li jixtiequ jbigħuh.
