Juventus huma meqjusa bħala l-inqas favoriti fost tliet clubs li fis-sajf jistgħu potenzjalment jiffirmaw lill-midfielder ta’ Manchester United, Paul Pogba.
Wara perjodu ta’ sitt snin f’Old Trafford, l-internazzjonali Franċiż jidher li x’aktarx iħalli lil United fi tmiem l-istaġun wara li naqas milli jiffirma kuntratt ġdid.
Għalkemm il-player ta’ 29 sena se jkun disponibbli bi free transfer, numru ta’ clubs ewlenin fl-Ewropa ġew marbuta ta’ spiss mal-firma tiegħu, fosthom l-ex team tiegħu, Juventus.
Madankollu, Real Madrid u Paris Saint-Germain qed ikomplu jżommu l-vantaġġ fuq il-club Taljan fuq il-mejda tan-negozjati.
Huwa mifhum li Juventus jistgħu jilħqu biss ċertu livell ta’ pagi, anke b’Paulo Dybala mistenni jillibera spazju bit-tluq tiegħu stess bħala free agent.
Pogba għad irid jindika d-destinazzjoni preferuta tiegħu, deċiżjoni li x’aktarx mhux se tkun qed tittieħed fi żmien qasir hekk kif qed ikompli jiżen l-opportunitajiet tiegħu.
