Juventus jinsabu lesti li jisimgħu offerti għall-midfielder Adrien Rabiot u d-difensur xellugi Alex Sandro fis-sajf li ġej.
Il-Bianconeri huma maħsuba li huma ħerqana li jnaqqsu l-kont tal-pagi tagħhom u jinvestu fi players iżgħar qabel l-istaġun 2022-23.
Jidher li l-coach ta’ Juventus, Massimiliano Allegri, jinsab lest li jċedi kemm lil Rabiot kif ukoll lil Alex Sandro, li fadlilhom inqas minn 18-il xahar fil-kuntratt tagħhom, peress li huma ma jidhrux li jinsabu fil-pjanijiet fit-tul tiegħu.
Clubs mill-Premier League fl-Ingilterra għamlu talbiet għaż-żewġ players, iżda Juventus għadhom ma rċevew l-ebda offerta formali.
Juventus se jiddeċiedu wkoll jekk jinnegozjawx kuntratti ġodda għal Paulo Dybala, Federico Bernardeschi, Juan Cuadrado, Mattia De Sciglio u Mattia Perin, li kollha se jkollhom il-kuntratti attwali tagħhom jiskadu fis-sajf li ġej.
Rabiot skorja sitt goals u pprovda ħames assists f’112-il dehra għal Juventus fil-kompetizzjonijiet kollha, filwaqt li Alex Sandro rreġistra 14-il goal u 30 assist f’260 logħba għall-Bianconeri fil-kompetizzjonijiet kollha.
