Puttinu Cares ġabar is-somma sabiħa ta’ €16,100 mingħand il-kaċċaturi u n-nassaba kif ukoll xi ħbieb Mostin waqt majjalata li ġiet organizzata bejniethom.
Puttinu Cares irringrazzjahom ta’ din id-donazzjoni sabiħa li tfisser ħafna għal dawk it-tfal u pazjenti li qegħdin taħt il-kura tagħhom.
Apparti din is-somma, kienu bosta oħrajn li taw id-donazzjonijiet tagħhom fl-aħħar ġimgħat. Fost dawn kien hemm ukoll Marsaskala Bocci Club u l-management tal-bar li ġabru s-somma ta’ €917 waqt attività, ħaddiema ta’ Urban Valley Resort & Spa li ġabru s-somma ta’ €2000 waqt car wash, kif ukoll il-Kunsill Lokali ta’ San Ġwann u SGYN li ġabru €1000 waqt attività.
