“Hekk kif qiegħda tiġi ċċelebrata l-Festa f’San Pawl il-Baħar, ħassejt li l-memorja ta’ Kacey Sciberras għandha tibqa’ mfakkra fil-komunità Pawlina permezz ta’ din il-bandalora li ġġib ix-xbieha tagħha stess”. Iddikjara dan il-Ministru għat-Turiżmu Clayton Bartolo f’kitba fuq il-profil tiegħu fejn qal li bix-xieraq li l-memorja ta’ Kacey Sciberras tibqa’ fost il-komunità li tant kienet tħobb.
Id-disinn hu xogħol tal-artist Joseph Cauchi filwaqt li l-pittura ċentrali li tiddomina l-qalba ta’ kull bandalora ġiet fdatha f’idejn il-Kav. Pawlu Camilleri Cauchi. Il-ħjata kienet f’idejn Victor Said u sfumar f’idejn Shaun Cavallo.
Kacey Sciberras kienet studenta l-ITS li sfortunatament kienet iċċertifikata mejta fuq il-post f’inċident tat-traffiku li seħħ f’Ħ’Attard f’Mejju li għadda.
