Il-manager ta’ Manchester City, Pep Guardiola, żvela li l-midfielder Ingliż Kalvin Phillips irritorna b’”piż żejjed” mit-Tazza tad-Dinja u bħalissa mhux disponibbli għall-għażla tiegħu.
L-eks plejer ta’ Leeds United għadda ftit xhur diffiċli fl-Etihad Stadium minn meta ħalla lill-Whites fis-sajf, u għamel biss erba’ dehriet fil-kompetizzjonijiet kollha.
L-ewwel staġun ta’ Phillips maċ-champions tal-Premier League ġie wkoll imfixkel minn injury fl-ispalla, li kien sfurzat jagħmel operazzjoni fiha f’Settembru, iżda madankollu għamilha fl-iskwadra tal-Ingilterra għat-Tazza tad-Dinja tal-2022.
