Paris St-Germain sofrew l-ewwel telfa f’darhom f’Ligue 1 wara kważi sentejn minn April 2021 hekk kif Rennes għamlu double ta’ żewġ rebħiet fil-kampjonat fuq il-leaders maħruba.
Il-viżitaturi skorjaw fil-45 minuta permezz ta’ Karl Toko Ekambi qabel ma Arnaud Kalimuendo żied it-tieni tliet minuti wara l-mistrieħ.
PSG raw il-kampjonat tagħhom mingħajr telfa fil-Parc des Princes jintemm wara 35 logħba.
Reims raw ukoll il-mixja tagħhom ta’ 19-il partita mingħajr telfa mwaqqfa b’telfa kontra Marseille. Huma kienu tilfu l-aħħar partita tal-kampjonat f’Settembru f’telfa ta’ 3-0 kontra Monaco.
Reims, immexxija mill-Ingliż imwieled il-Belġjan, Will Still, marru fil-vantaġġ permezz ta’ Folarin Balogun li huwa misluf mingħand Arsenal, fit-13-il minuta.
Iżda żewġ goals fl-ewwel taqsima ta’ Alexis Sanchez taw rebħa ta’ 2-1 lil Marseille b’Balogun jolqot il-lasta fil-ħin miżjud.
It-team ta’ Christophe Galtier jinsab seba’ punti fuq Marseille fil-quċċata tal-klassifika hekk kif resqin lejn il-11-il titlu fi 13-il sena.
