Hibernians ………0
Balzan ……………2
Balzan għelbu lil Hibernians bl-iskor ta’ 2-0, biż-żewġ goals jaslu fit-tieni taqsima biex telgħu fir-raba’ pożizzjoni. Ta’ min wieħed jirrimarka li providenzjali għal Balzan kien il-goalkeeper Danilo Golovic li ċaħħad lill-Pawlisti għal diversi drabi milli jsibu x-xibka, u fil-fatt ġie vvutat mill-ġurnalisti preżenti bħala l-BOV Player tal-Logħba.
Kienu Hibernians li ħolqu l-ewwel periklu fis-seba’ minuta iżda minn pożizzjonio ideali, Zachary Grech xeħet għoli. Fil-21 minuta free-kick mill-isbaħ ta’ Giannis Bastianos ġie mdawwar f’corner mill-goalkeeper, Danilo Golovic. Żewġ minuti wara, Golovic salva t-tentattiv ta’ Jurgen Degabriele mingħajr wisq tbatija.
Iktar ma beda jgħaddi l-ħin aktar beda jirriżulta team wieħed fil-ground, u fit-28 minuta, Rodney Antwi kellu x-xutt b’saħħtu tiegħu minn ġol-kaxxa salvat mill-goalkeeper Balzani li beda jispikkaw fost sħabu.
U proprju fl-ewwel azzjoni li ħolqu Balzan, minuta biss wara, huma kellhom ferħa bla temma meta Leonardo da Silva Souza mill-viċin tefa’ l-ballun fis-saqaf tax-xibka, iżda r-referee Andrea Sciriha, kien saffar foul fl-attakk, li kawża tiegħu ġie ammonit Nikola Braunovic.
Hibernians wieġbu fit-38 minuta meta Ferdinando Apap bir-ras għadda tajjeb lejn Kurt Shaw li xxuttja għoli.
Fit-53 minuta, il-goalkeeper Pawlisti, Ibrahim Kone, salva xutt fil-baxx ta’ Jake Grech. Il-Pawlisti wieġbu żewg minuti wara meta Jurgen Degabriele minn qagħda ideali ra lil Golovic isalva.
Fis-60 minuta, Balzan fetħu l-iskor permezz ta’ xutt mill-viċin tal-Ġappuniż, RYOHEI MICHIBUCHI, li ma ta l-ebda cans lil Kone.
Fil-81 minuta, kienu għoddhom irduppjaw meta Aleksandar Katanic avvanza iżda Kone kien providenzjali meta ħareġ barra minn postu u biegħed kull periklu.
Iżda, fid-89 minuta, huma ma kellhomx jiġu mċaħħda meta DIMEI AWISANJE avvanza, dar Kone, qabel tefa’ l-ballun f’lasti vojta biex issiġilla r-rebħa Balzanija.
HIbernians: 24-Ibrahim Kone, 3-Ferdinando Apap, 5-Kurt Shaw, 10-Jurgen Degabriele, 11-Bjorn Kristensen, 13-Zachary Grech (16-Samuel Okoh 69), 21-Alex Bruno De Silva Souza (8-Robert Bairam 69), 23-Claudio Bonanni (22-Gabriel Artiles 76), 29-Giannis Bastianos, 77-Rodney Antwi, 99-Luiz Henrique Guedes (9-Armen Hovhannisyan 59) – Coach: Branko Nisevic
BALZAN: 99-Danilo Golovic, 2-Ivan Bozovic, 5-Samir Arab, 7-Triston Caruana, 10-Jake Grech (11-Benjamin Hili 90), 18-Ryohei Michibuchi, 24-Nikola Braunovic, 27-Momcilo Raso, 42-Leonardo da Silva Souza (14-Dimeji Awosanja 79), 77-Aleksa Andrejic (6-Marcus Grima 73), 80-Peter Olawale (21-Aleksanadar Katanic 79) – Coach: Oliver Spiteri
REFEREE: Andrea Sciriha
ASS. REFEREES: Alan Camilleri, Vasil Vasilev
RABA’ UFF: Glen Tonna
SKORERS: R. Michibuchi 60, D. Awosanja 89 (B)
AMMONITI: F. Apap, B. Kristensen (H), T. Caruana, R. Michibuchi, N. Braunovic, P. Olawale (B)
