Paris St Germain għadhom kemm akkwistaw il-firma tal-plejer internazzjonali tal-Korea t’Isfel, Kang-In Lee. Dan tal-aħħar kien qed jilgħab fil-La Liga Spanjola ma’ Mallorca u spikka ferm magħhom tul l-istaġun li għadda.
Il-klabb Spanjol se jkun qed jirċievi €20 miljun għal dan il-plejer li se jingħaqad mal-akkwisti l-ġodda li kiseb it-tim mill-belt kapitali Franċiża fosthom Lucas Hernandez, Manuel Ugarte, Marco Asensio u Milan Skriniar.