Bayern Munich ingħaqdu fit-tellieqa biex jiffirmaw lill-attakkant ta’ Red Bull Salzburg, Karim Adeyemi.
Iż-żagħżugħ ta’ 19-il sena diġà skorja 11-il goal għall-club Awstrijak dan l-istaġun u ġie marbut ma’ pass lejn kampjonat ewlieni Ewropew.
Ix-xewqa ta’ Liverpool li jiffirmaw lil Adeyemi hija l-iktar waħda dokumentata sew, filwaqt li Barcelona, Borussia Dortmund u RB Leipzig ġew ukoll marbuta mal-internazzjonali Ġermaniż.
Bayern issa għamlu lil Adeyemi ‘mira ta’ prijorità’ u qed jippjanaw li jagħmlu offerta għalih fit-tieqa tat-trasferimenti ta’ Jannar.
Iċ-champions Ġermaniżi jkunu qed jibagħtu liż-żagħżugħ lura b’self ma’ Red Bull Salzburg għall-bqija tal-istaġun, qabel ma jintegrah fl-iskwadra tagħhom fis-sajf li ġej.
Adeyemi, li skorja fid-debutt tiegħu mal-Ġermanja x-xahar li għadda, qatta’ sentejn fl-akkademja ta’ Bayern bejn l-2010 u l-2012.
