L-attakkant ta’ Borussia Dortmund, Karim Adeyemi, qed jissemma’ dejjem aktar fl-aħbarijiet speċjalment dawk relatati mat-trasferimenti meta qed jinteressa mhux ftit lil Chelsea. Il-Blues lesti joffru s-somma ta’ €50 miljun għall-plejer Ġermaniż ta’ 22 sena. Minkejja kollox, iridu joqogħdu attenti mill-konkorrenza ta’ Liverpool li jixtiequ wkoll il-firma tiegħu.
Riċentement Adeyemi skorja hat-trick fil-logħba mill-UEFA Champions League kontra Celtic.
