Il-coach ta’ Franza, Didier Deschamps, ikkonferma li Karim Benzema mhux se jirritorna fl-iskwadra għall-finali tat-Tazza tad-Dinja tal-lum il-Ħadd kontra l-Arġentina.
Benzema weġġa’ l-koxxa waqt it-taħriġ qabel it-tournament, li rawh jitlaq mill-Qatar sabiex jgħaddi minn programm ta’ rkupru ma’ Real Madrid.
Minn dakinhar il-player ta’ 34 sena reġa’ lura f’kundizzjoni tajba, u dan l-aħħar ġie ssuġġerit li l-attakkant jista’ jerġa’ jkun fuq il-bank għall-finali kontra l-Arġentina.
