Karlu III se jiġi proklamat formalment Re f’ċerimonja storika fil-Palazz ta’ San Ġakbu dalgħodu.
Bnadar mezzasti f’luttu għall-mibkija Reġina se jerġgħu jittellgħu b’mod sħiħ wara l-Kunsill tal-Aċċessjoni, li se jiġi trasmess għall-ewwel darba fuq it-televiżjoni.
Dan wara li r-Re wiegħed li jsegwi l-ħajja ta’ servizz tal-għażiża ommu fl-ewwel indirizz emozzjonali tiegħu.
Huwa indirizza lin-nazzjon nhar il-Ġimgħa filgħaxija u fetaħ qalbu dwar is-sogħba profonda tiegħu għat-telfa ta’ ommu, u faħħar is-sħana, l-umoriżmu u l-kapaċità bla waqfien tagħha li dejjem tara l-aħjar kwalitajiet fin-nies.
Ir-Re wiegħed li jaqdi lin-nazzjon bl-istess “devozzjoni bla waqfien” bħalma kellha l-mibkija Reġina matul il-renju tagħha ta’ 70 sena.
Charles sar ir-Re fil-mument li ommu mietet, iżda l-Kunsill isir kemm jista’ jkun malajr wara l-mewt ta’ sovran biex issir proklamazzjoni formali tas-suċċessur.
