Peress li it-tfal qed ikunu online aktar ta’ spiss illum il-ġurnata, huwa importanti ħafna li l-ġenituri u l-kustodji jimmonitorjaw x’jistgħu u ma jistgħux jagħmlu wliedhom online.
YouTube, il-midja soċjali u l-logħob online huma ħafna aktar aċċessibbli, u it-tfal qed jitpoġġew f’aktar periklu milli naħsbu.
Minkejja li l-midja soċjali u logħob bħal Roblox għandhom limiti ta’ età, it-tfal xorta jistgħu jaċċessaw u joħolqu kontijiet u nistgħu nsiru konxji tal-perikli.
Il-grooming online sar aktar komuni dan l-aħħar. Bil-pedofili joħolqu accounts u jaħbu lilhom infushom bħala tfal u adolexxenti, saret diffiċli biex nkunu nafu x’nistgħu nafdaw online u t-tfal spiss jistgħu jiġu f’sitwazzjoni ta’ grooming u l-abbuż tat-tfal.
Madankollu, il-grooming mhuwiex l-unika tħassib li għandu jkollna dwar uliedna u l-aċċess tagħhom għall-internet u t-teknoloġija.
Il-ħin tal-iskrin tat-tfal sar tħassib ewlieni fl-iżvilupp u l-edukazzjoni tat-tfal. Ħafna tfal qed ikollhom diffikultajiet fil-qari, il-kitba u l-komunikazzjoni minħabba l-ammont ta’ ħin li jqattgħu fuq l-iskrins.
Xi tfal, kif ukoll l-adoloxxenti sabuha diffiċli biex iżommu lapes għal perjodu ta’ ħin minħabba kemm iqattgħu ħin fuq l-ipads.
Apparti minn dan, ħafna tfal qed ikollhom problemi biex jikkonċertaw u jeħtieġu stimulazzjoni minħabba l-ammont ta’ kontenut qasir u kkulurit li qed jikkunsmaw.
Imma, kif nistgħu ngħinu lit-tfal tagħna?
Billi nillimitaw il-ħin tal-iskrin tat-tfal tiegħek għal madwar siegħa kuljum, u billi inħeġġuhom biex jilagħbu bil-ġugarelli u joħorġu aktar spiss kif ukoll ngħinuhom jużaw l-enerġija tagħhom, it-tfal isiru inqas dipendenti fuq l-iskrins u jkollhom ħiliet ġenerali aħjar. Alternattivament, billi nħeġġu lit-tfal jużaw inqas l-ipads u npoġġu kontenut twil, anke edukattiv, fuq skrin kbir, bħal televixin, it-tfal jistgħu jipprattikaw is-smigħ, u anke il-paċenzja.
It-tfal jistgħu wkoll jiġu mħeġġa biex jpinġu u jiktbu aktar spiss biex jiżviluppaw aktar il-ħiliet motorji fini tagħhom, dan jagħmilha aktar faċli għalihom biex jaqraw u jiktbu fl-iskola.
Biex tevita l-grooming online, dejjem kun konxju ta’ liema logħob qed jilagħbu t-tfal tiegħek online, agħmel xi riċerka dwar il-logħob li jixtieq jilgħab it-tifel/tifla tiegħek qabel ma tħallihom jinstallaw l-app. Il-midja soċjali m’għandhiex tiġi aċċessata taħt ċerta età. Huwa importanti wkoll li tgħallem lit-tfal dwar is-sigurtà online u tħeġġiġhom iżommu l-accounts tal-midja soċjali tagħhom privati filwaqt li tissorvelja wkoll dak li jippubblikaw online.
Fl-aħħar nett, ippermetti aċċess għal YouTube Kids u l-verżjonijiet tat-tfal fuq pjattaformi tal-istriming biex tevita li jaraw kwalunkwe kontenut espliċitu, jew kontenut mhux magħmul għall-gruppi tal-età tagħhom.