Il-bord tad-diretturi preċedenti ta’ Juventus, immexxi minn Andrea Agnelli, irriżenja x-xahar li għadda, u nħoloq wieħed ġdid fit-tentattiv li jmexxu lill-club lejn id-direzzjoni l-ġusta.
Il-president preċedenti kellu suċċess kbir hekk kif bena team matul is-snin fejn rebaħ kullana ta’ unuri.
Agnelli kien figura popolari fil-football Ewropew kif ukoll mal-partitarji u l-membri tal-bord, li għenu jibqa’ fil-pożizzjoni tiegħu għal aktar minn għaxar snin.
Pavel Nedved huwa probabbilment it-tieni l-aktar membru famuż tal-eks bord, hekk kif lagħab ukoll ma’ Juventus fil-karriera tiegħu.
Matul il-jiem li għaddew rapporti sostnew kemm se jaqilgħu dawn iż-żewġ persuni meta jħallu l-irwol tagħhom.
Ir-rapporti jgħidu li Agnelli se jieħu €520,000 filwaqt li Nedved se jieħu €514,000.
Stqarrija maħruġa mill-club kienet tgħid li huwa ta’ dispjaċir li Agnelli rriżenja għax kien wieħed mill-aqwa presidenti fl-istorja tiegħu u kien persuna li kien jaf x’qed jagħmel.
