Il-wirjiet kbar li qed jipproduċi l-attakkant internazzjonali Tork Kenan Yildiz qed jgħaġġbu lil kulħadd u mhux b’inqas timijiet oħra Ewropej li jixtiequ li jkun parti mit-tim tagħhom fil-futur. Fost dawn hemm Liverpool u Arsenal li jidhru ferm interessati f’dan il-plejer ta’ 19-il sena.
Il-Gunners qed jarawh bħala sostitut denju ta’ Bukayo Saka filwaqt li r-Reds qed jarawh tajjeb minflok Mohamed Salah.
Yildiz kien protagonista għal Juventus jumejn ilu meta skorja żewġ gowls fid-draw spettakolari ta’ 4-4 kontra r-rivali Inter.
