Hekk kif Kepa Arrizabalaga ngħaqad uffiċjalment ma’ Real Madrid mingħand Chelsea, hu ta l-ewwel kummenti tiegħu eżatt kif wasal f’Estadio Santiago Bernabeu fil-belt kapitali Spanjola.
Kepa qal li ma kinitx deċiżjoni diffiċli dik li jingħaqad mal-Merengues anke għax dejjem kienet il-ħolma tiegħu li jilgħab ma’ dan il-klabb. Issa li ngħatatlu l-opportunita’, hu mhux se jibqa’ lura u se jagħti l-mija fil-mija tiegħu.
Kepa ngħaqad mal-Madrileni fuq bażi ta’ self u se jkun qed jieħu post Thibaut Courtois li weġġa’ waqt logħba tal-pre-season.
