Paris St Germain qed jaħdmu sabiex iġibu sostitut denju ta’ Kylian Mbappe li ħallihom fl-aħħar tal-istaġun li għadda sabiex fi ftit tal-jiem oħra jingħaqad ma’ Real Madrid.
L-iktar kandidat li jista’ jagħmel dan hu Khvicha Kvaratskhelia li jinsab lest li jitlaq lil Napoli. Il-plejer minn Georgia li spikka waqt EURO 2024 qal kemm-il darba li jixtieq ibiddel id-destinazzjoni tiegħu wara perjodu ta’ sentejn mal-Partenopei. Hu għad fadallu kuntratt sas-sena 2027 iżda l-Pariġini lesti li jħallsu l-klawsola li hemm f’dan il-ftehim.
