Bejn il-Ħamis 1 u l-Ħadd 4 ta’ Settembru, is-sewwieq tal-karting żagħżugħ Kian Gauci jinsab fiċ-ċirkwit ta’ Le Mans fi Franza biex jipparteċipa fl-aħħar rawnd taċ-CIK FIA Karting Academy Trophy.
Il-FIA Karting Academy bdiet fl-2010 biex tippromwovi u ssib talent ġdid tas-sewqan minn 40 pajjiż madwar id-dinja. Sewwieqa ta’ bejn tnax u erbatax-il sena jikkompetu bejniethom f’ambjent li diġà ħoloq tliet sewwieqa tal-formula waħda.
Gauci diġà kkompeta f’Genk il-Belġju f’Mejju, fi Cremona fl-Italja f’Ġunju, u issa huwa l-aħħar rawnd fiċ-ċirkwit ta’ Les Mans fi Franza.
Fl-istess jiem u ċirkwit, qed jiġu organizzati l-finali tal-ogħla tliet klassijiet tal-karting, KZ, KZ2 u KZ2 Masters.
