Marguerite Koller kienet lesta biex tibda l-ħajja ta’ soru. Kienet applikat u ġiet aċċettata f’kunvent ħdejn id-dar tagħha f’Philadelphia, l-Istati Uniti. Iżda l-imħabba ta’ raġel biddel dan kollu, u l-koppja fiż-żwieġ kellhom 11-il ulied u xejn inqas minn 56 neputijiet.
Issa, hekk kif qed toqrob id-99 sena tagħha, Marguerite Koller iltaqgħet mal-100 proneputi tagħha hekk kif il-familja espandiet aktar.
Christine Balster hija waħda mis-56 neputi ta’ Marguerite u l-omm tal-100 proneputi. It-tarbija li huwa tifel ġie msemmi Koller f’ġieħ il-kunjom tal-bużnanna tiegħu u t-tieni isem, wara l-mibki żewġha.
Christine irrakkuntat mal-istzzjon televiżiv NBC illi dan il-mitt wild kien ħoloq legat aqwa f’ġenerazzjonijiet sħaħ u għalhekk ħassitha naturali ħafna li tagħtih dawn l-ismijiet.
Marguerite Koller, minn Blue Bell f’Philadelphia, li se tiċċelebra l-100 sena tagħha fi ftit xhur oħra kienet qalet li tħossha xortiha tajba wisq waqt li ltaqgħet maċ-ċkejken Koller.
Meta kienet għadha tfajla fl-iskola sekondarja fil-bidu tas-snin erbgħin kien għaddielha l-ħsieb li ssir soru. William, li miet fl-2008 kien irnexxielu jdawwrilha ħsiebha meta mħabbithom lejn xulxin bdiet u kompliet tikber.
Minkejja ix-xewqa li ssir soru, Marguerite dejjem xtaqet li jkollha familja kbira wara li rrealizzat kemm meta tikber fl-eta isir iktar diffiċli li tgħix ħajja solitarja.
Fl-2015 hija stqarret mal-istazzjon ABC illi hi riedet li jkollha 12-il wild, iżda wara li beda jkollha t-tfal ma kinitx ċerta li riedet familja daqshekk kbira.
