Tinqatel tifla ta’ 13-il sena f’Goldsboro f’North Carolina
Il-komunità ta’ Goldsboro fl-Istati Uniti tinsab taħt xokk hekk kif nhar il-Ħadd li għadd nqatlet tifla ta’ 13-il sena hekk kif persuna jew persuni sparaw lejha.
Jaleeyah Tune jew kif kienet magħrufa “LeeLee” inqatlet għall-ħabta tal-4.30pm bil-pulizija Amerikana mill-ewwel tibda tfittex lis-suspettati.
Il-Pulizija s’issa arrestaw 3 ġuvintur… tnejn ta’ 16-il sena u ieħor ta’ 15-il sena. Jidher li l-qtil seħħ hekk kif il-vittma flimkien ma’ oħta u grupp ta’ tfal oħrajn kienu mexjin il-mixja tal-Ħadd meta f’daqqa waħda ħareġ xi ħadd mill-ħaxix li hemm fl-inħawi u beda jispara bl-addoċċ… b’xorti ħażina intlaqtet Tune li mietet fuq il-post.