Sar magħruf li Kieran Trippier se jħalli lil Newcastle United u jmur jilgħab x’imkien ieħor. Il-plejer ta’ 33 sena ma lagħabx minuta waħda waqt il-logħba ta’ tmiem il-ġimgħa li għaddiet kontra Southampton. Din il-ħaġa ma tantx niżlet tajjeb mal-istess Trippier aktar u aktar meta ttieħditlu l-faxxa ta’ captain li ħadha Bruno Guimaraes.
L-eks plejer ta’ Tottenham Hotspur għandu kuntratt sa Ġunju 2026. Fl-istaġun li għadda hu lagħab 39 partita fejn skorja gowl wieħed biss.
