Il-winger ta’ Bayern Munich, Kingsley Coman qed jiġbed l-interess mill-ġganti Ewropej Barcelona, Real Madrid u Manchester United.
Il-player ta’ 25 sena bħalissa jinsab f’negozjati kuntrattwali maċ-champions tal-Bundesliga, bil-ftehim attwali tiegħu se jiskadi f’Ġunju tal-2023.
Madankollu, jekk iż-żewġ partijiet jonqsu milli jaqblu dwar termini, allura Bayern ikunu lesti li jbigħu lill-winger bi prezz ‘affordabbli’ fis-sajf li ġej biex ma jħalluhx iħalli l-Allianz Arena bi free transfer.
Coman qed jitlob madwar £17-il miljun fis-sena f’pagi; madankollu, Bayern huma lesti biss li joffru salarju ta’ £12.7m kull staġun, li jfisser li għad fadal xi jsir fin-negozjati.
Barcelona, Real Madrid u Manchester United qed jistennew kollha ħerqana u jsegwu mill-qrib is-sitwazzjoni tiegħu u huma lesti li jidħlu f’taqtiegħa ma’ xulxin għall-firma tal-Franċiż jekk jiddeċiedi li jħalli lil Bayern.
Coman, li rebaħ it-titlu tal-kampjonat f’kull wieħed mid-disa’ staġuni tiegħu bħala player professjonali ma’ Bayern, Paris Saint-Germain u Juventus, huwa maħsub li ‘qed jikkunsidra bidla fix-xenarju’ u ċaqliq jew lejn Spanja jew l-Ingilterra ikun jappellah.