Exiles……………….6
Neptunes……….18
(1-4, 3-2, 2-7, 0-5)
Neptunes komplew jikkonvinċu u ħlief fit-tieni sessjoni ftit li xejn tħabtu meta għelbu lill-ġirien Exiles bl-iskor kbir ta’ 18-6.
B’hekk, fis-semifinali li se tkun qed tintlagħab fis-27 ta’ Lulju, huma se jkunu qed jaffrontaw lil Birzebbugia li kisbu dan il-post b’mod awtomatiku.
Ta’ min wieħed jinnota li permezz ta’ din ir-rebħa Neptunes żammew ir-rekord ta’ rebħ tagħhom intatt matul dan l-istaġun hekk kif rebħu l-logħbiet kollha li kienu nvoluti fihom fiż-żewg kompetizzjonijiet maġġuri organizzati mill-ASA jiġifieri l-Kampjonat u n-Knock-Out.
Neptunes għamlu l-intenzjonijiet tagħhom ċari mal-ftuħ tal-partita meta rebħu l-ewwel sessjoni bl-iskor ta’ 4-1, bl-awturi tal-goals ikunu James Spiteri Staines, Jeremy Abela, Gabriel Pace u l-captain Stevie Camilleri. Max Aquilina skorja l-uniku goal għal Exiles.
Izda Exiles wettqu reazzjoni tajba u rebħu t-tieni sessjoni bl-iskor ta’ 3-2, bl-awturi tal-goals għalihm ikunu Max Aqulina (2) u Jake Bajada. Sam Gialanze u Stevie Camilleri wieġbu għal Neptunes.
Neptunes irritornaw għar-rebħ fit-tielet sessjoni meta għamlu dan bl-iskor kbir ta’ 7-2, bl-iskorers għalihom ikunu Sam Gialanze, Mark Castillo li proprju lbieraħ kien qed jiċċelebra għeluq sninu u li rnexxielu jsib ix-xibka proprju kontra ħuh il-goalkeeper ta’ Exiles, Matthew Castillo. Dan sabiex il-goals l-oħra għat-team mill-Balluta waslu minn Jake Muscat, Stevie Camilleri, James Spiteri Staines (2) u Jeremy Abela. Intant, iż-żewġ goals għal Exiles waslu minn Mark Fenech u Jake Bajada minn penalty.
It-team immexxi mill-coach Kroat Jovan Popovic rebaħ ukoll ir-raba’ u l-aħħar sessjoni din id-darba b’punteġġ ta’ 5-0, bl-awturi tal-goals għalihom ikunu Alec Fenech, Stevie Camilleri minn penalty, Jake Cachia, Alec Fenech u Sam Gialanze.
Exiles: 1-Matthew Castillo, 2-Niall Saliba, 3-Luke Gialanze, 4-Philip Paris, 6-Sean Xerri De Caro, 7-Mark Fenech (1), 8-Kurt Griscti, 9-Niki Paris, 10-Jake Bajada (2), 11-Max Aquilina (3), 12-David Fenech, 13-Gianluca Borg, 14-Matteo Martellacci, 15-Liam Pursehouse Coach: Aurelien Cousin
Neptunes: 1-Alan Borg Cole, 2-Jake Muscat (1), 3-Sam Gialanze (3), 4-Gabriel Pace (1), 5-Jake Cachia (1), 6-James Spiteri Staines (3), 7-Stevie Camilleri (4), 8-Jordan Camilleri, 9-Jeremy Abela (2), 10-Michael Spiteri Staines, 11-Alec Fenech (2), 12-Mark Castillo (1) Coach: Jovan Popovic
Referees: Fabio Guarracino, Alex DeRaffaele
