L-Assoċjazzjoni Maltija tal-Isport Akwatiku (ASA) se tkun qed tospita l-Final Four taċ-Champions League għat-tieni sena konsekuttiva meta l-aqwa kompetizzjoni tal-Ewropa tasal fil-Pixxina Nazzjonali bejn it-30 ta’ Mejju u l-1 ta’ Ġunju.
Il-Final Four se ġġib f’pajjiżna l-erba’ timijiet li laħqu s-semi-finali tal-Kampjonat u se jiffaċċjaw lil xulxin f’żewġ semi-finali, bit-timijiet rebbieħa jaffrontaw lil xulxin fil-finali fl-1 ta’ Ġunju.
Is-sena l-oħra, l-ASA ntgħażlet biex tospita din il-kompetizzjoni prestiġjuża għat-tliet snin li ġejjin u l-Gvern, f’kollaborazzjoni ma’ SportMalta u VisitMalta, qed jagħti l-appoġġ sħiħ tiegħu għall-organizzazzjoni tal-avveniment.
Dan investiment f’dan is-settur poġġa lill-pajjiżna fuq il-mappa tad-dinja sportiva.
Dan l-avveniment se jġib miegħu numru ta’ benefiċċji, inkluż atleti u viżitaturi tal-ogħla kwalità kif ukoll viżibilità kbira ta’ pajjiżna għas-segwaċi kollha ta’ dan l-isport.
F’dan il-kampjonat, li beda fl-1963, qed jikkompetu l-aqwa timijiet fl-Ewropa u hija l-aktar kompetizzjoni prestiġjuża għall-klabbs professjonali tal-waterpolo fil-kontinent.
Bħala parti mill-avveniment, se jkun hemm ‘sports village’ fid-daħla tal-Pixxina Nazzjonali sabiex tiħi pprovduta esperjenza aħjar għall-partitarji preżenti.
L-avveniment ta’ din is-sena mistenni jixxandar fuq diversi netwerks tat-televixin internazzjonali filwaqt li se jiġi ppreżentat aktar fuq il-media soċjali u dan jiggarantixxi udjenza kbira minn madwar l-Ewropa.
B’kollaborazzjoni ma’ entitajiet sportivi oħra, SportMalta qed tipprovdu lill-pubbliku sportiv avveniment tal-ogħla kwalità li wieħed jista’ jsegwi f’pajjiżna.
Din il-pożizzjoni qed iġġib diversi avvenimenti internazzjonali f’pajjiżna.
Il-biljetti jistgħu jinxtraw minn fuq is-sit elettroniku, www.showshappening.com.
Min huma s-semi-finalisti?
VK Novi Beograd huwa klabb professjonali tal-waterpolo bbażat f’New Belgrade, is-Serbja. Mill-istaġun 2023–24, il-klabb jikkompeti fil-Kampjonat Serba, il-Kampjonat Reġjonali A1 u l-LEN Champions League.
Il-klabb twaqqaf fl-2015, mill-politiku Serb u eks plejer tal-waterpolo Aleksandar Šapić. Fl-istaġun 2020–21, il-klabb għamel id-debutt tiegħu fil-Kampjonat Serb tal-Waterpolo tal-ogħla livell, fejn spiċċaw fit-tieni post. Barra minn hekk, kisbu post fis-semi-finali tat-Tazza Serba tal-Waterpolo. Fit-tieni livell tal-kompetizzjoni Ewropea LEN Euro Cup, Novi Beograd waslu għat-tmien finali.
Fl-istaġun 2021–22, il-klabb tejjeb b’mod sinifikanti l-iskwadra tiegħu, u għamel id-debutt fil-Kampjonat Reġjonali u l-LEN Champions League. Barra minn hekk, Novi Beograd kienu l-ospitanti tat-turnew finali tal-LEN Champions League mill-2021 sal-2023. Wara li tilfu fit-Tazza Serba, kontra VK Radnički Kragujevac fil-logħba finali, Novi Beograd eventwalment rebħu l-Kampjonat Reġjonali fl-istaġun 2021–22 billi għelbu lil VK Jadran Split bl-iskor ta’ 14–11 fil-logħba finali, u b’hekk assiguraw l-ewwel trofew tagħhom fl-istorja. Kien ukoll it-tieni trofew biss għall-klabbs Serbi fl-istorja tal-kompetizzjoni. Novi Beograd rebħu wkoll il-Kampjonat Serba tal-Water Polo A tal-istaġun 2021–22. Novi Beograd temmew l-aktar staġun ta’ suċċess tagħhom fl-istorja tal-klabb billi tilfu fil-finali tal-LEN Champions League tal-istaġun 2021–22 kontra Pro Recco bil-penalties.
Fl-istaġun 2022–23, Novi Beograd irnexxielhom jiddefendu l-kampjonat nazzjonali, iżda ġew eliminati fil-Kampjonat Reġjonali fis-semifinali, u ġew fit-tieni post fil-kompetizzjoni tat-Tazza Serba u l-LEN Champions League. Fl-istaġun 2023–24, Novi Beograd kisbu t-treble, wara li ġew inkurunati champions tal-Kampjonat Serb, champions tal-Kampjonat Reġjonali (għat-tieni darba) u champions tat-Tazza Serba.
Club Natació Atlètic-Barceloneta (CNAB) huwa klabb professjonali Spanjol tal-waterpolo minn Barcelona, stabbilit fl-1913.
Il-klabb huwa r-riżultat tal-għaqda tal-Club Natació Atlètic, imwaqqaf fl-1913, u l-Barceloneta Amateur Club, imwaqqaf fl-1929 u aktar tard imsemmi mill-ġdid bħala Club Natació Atlètic-Barceloneta (CNAB). Il-klabb jinsab fil-viċinat kostali ta’ Barceloneta.
Atlètic-Barceloneta huwa wieħed mill-aktar klabbs tal-waterpolo ta’ suċċess fi Spanja, wara li rebaħ 23 titlu tal-kampjonat, 19-il tazza nazzjonali u 15-il super cup nazzjonali. It-tim rebaħ ukoll il-LEN Champions League fl-2014.
Ferencvárosi Torna Club huwa klabb professjonali tal-waterpolo minn Budapest, l-Ungerija. Huma rebħu l-LEN Champions League s-sena li għaddiet li saret proprju f’Malta.
CN Marseille huwa klabb tal-waterpolo elite bbażat f’Marsilja, Franza, imwaqqaf fl-1921. Huwa l-aktar tim li rabaħ unuri fi Franza.
