Hekk kif f’Malta qed jitfakkar l-anniversarju ta’ meta ddaħħal iż-żwieġ ugwali bejn koppji omosesswali, Glen Vella u r-raġel tiegħu Sandro qasmu l-esperjenza tagħhom dwar dak li għaddew minnu.
Jgħidu li ilhom flimkien għal dawn l-aħħar 20 sena u meta bdew ir-relazzjoni tagħhom lanqas kienu jitilgħu f’karozza flimkien iżda kienu jużaw tal-Linja u joqgħodu fuq in-naħa ta’ wara biex ma jagħtux fl-għajn.
Huma jappellaw lill-ġenituri ta’ persuni gay biex jaċċettaw lil uliedhom kif inhuma. Jgħidu li huma kienu fortunati li sabu ġenituri li fehmu dak li kien tajjeb għalihom.
