Il-Ġimgħa 20 ta’ Mejju l-Iskola St Michael kienet fl-aqwa tagħha. L-Iskola ċċelebrat fil-veru sens tal-kelma FESTA biex ittemm l-attivitajiet li jfakkru l-75 sena mill-ftuħ tal-Iskola.
Għal din iċ-ċelebrazzjoni ppreparajna programm varjat b’kant, daqq tal-banda u l-kummiedja ‘Il-Kaptan u s-Sultan’. Ġie mniedi wkoll il-ktieb ‘L-Iskola St Michael – L-Għaxqa ta’ San Ġorġ Preca’ tas-Sur Robert Aloisio li ġie ppubblikat f’dan l-anniversarju u ttellgħu diversi esebizzjonijiet.Kellna wkoll il-bejgħ tal-kotba, fosthom il-ktieb tal-Istorja tal-Iskola, il-bejgħ taż-żejt taż-żebbuġ li qatgħu u għasru l-istudenti u bejgħ ta’ ikel.
Kif jidher fir-ritratti l-atmosfera kienet eċitanti u ferriħija, tixhed l-imħabba li lkoll għandna għall-Iskola għażiża tagħna.Nirringrazzjaw lil dawk kollha, li kienu ħafna li taw is-sehem tagħhom biex stajna ntellgħu din iċ-ċelebrazzjoni.Fl-aħħar is-Surmast awgura li 25 sena oħra l-iskola tkun qed tiċċelebra l-100 sena tagħha bl-istess impenn u entużjażmu.
Illejla se nerġgħu nirrepetu ħafna minn dan il-programm għal min ma setax jiġi lbieraħ, għall-ex studenti u familjari tagħhom, għall-familji tal-istudenti prospettivi u għal kull min irid jiġi jingħaqad magħna. L-iskola tiftaħ fis-7.00pm u l-programm jibda fis-7.30 p.m.
