Kważi 8,000 resident ta’ Riverside County, f’Kalifornja, kienu mġegħlin jaħarbu minn djarhom kaġun ta’ nirien li nfirxu fuq medda art ta’ aktar minn 4,000 ettaru.
In-nirien kienu rapportati nhar il-Ġimgħa li għadda, madankollu nfirxu f’qasir żmien u sal-bieraħ l-awtoritajiet kienu rrapportaw li mill-inqas residenza waħda kienet inqerdet.
Kaġun tan-nirien li nfirxu bla kontroll, ir-residenti ta’ 2,586 dar – li jammontaw għal madwar 7,800 resident, intalbu jevakwaw mid-djar tagħhom.
In-nirien kienu kibru minn madwar 700 ettaru nhar il-Ġimgħa li għadda, għal 4,125 ettaru sal-bieraħ filgħaxija.
