L-attakkant ta’ Paris Saint-Germain, Kylian Mbappe, jinsab dubjuż minħabba injury għat-tieni leg tal-konfront tat-team tiegħu taċ-Champions League kontra Real Madrid.
L-internazzjonali Franċiż skorja l-goal rebbieħ b’mod sensazzjonali tard fl-ewwel leg fil-Parc des Princes ix-xahar li għadda biex ta vantaġġ ta’ 1-0 lil PSG lejn il-konfront ta’ nhar l-Erbgħa fil-Bernabeu.
Mbappe tilef it-telfa tal-Ligue 1 kontra Nice fi tmiem il-ġimgħa minħabba sospensjoni, u l-attakkant marbut ma’ Real Madrid kien mistenni jirritorna fl-azzjoni fil-kapitali Spanjola kontra l-Galacticos.
Madankollu, jidher li l-ex player ta’ Monaco sofra injury f’siequ waqt sessjoni ta’ taħriġ u issa jinsab għal aktar valutazzjoni dwar l-injury.
Filmat li ġie ppublikat fuq il-media soċjali juri lil Idrissa Gueye aċċidentalment jiffawlja lil Mbappe, bl-attakkant jisnatema’ jgħajjat qabel waqa’ mal-art, iżda mhux maħsub li sofra xi ksur.
Fadal biss ftit sigħat qabel PSG jaffaċċjaw lil Real Madrid fit-tieni leg, b’Mauricio Pochettino se jkun qed jassessja l-kundizzjoni ta’ Mbappe qabel il-vjaġġ lejn il-Bernabeu.
Mbappe irreġistra 13-il gowl fl-aħħar 13-il dehra tiegħu fiċ-Champions League għal PSG u kkontribwixxa direttament għal 41 gowl f’34 partita fil-kompetizzjonijiet kollha dan l-istaġun – 24 goal u 17-il assist.
