L-attakkant ta’ Paris Saint-Germain, Kylian Mbappe, għad irid jieħu deċiżjoni dwar il-futur tiegħu, fost interess minn Real Madrid.
Il-player ta’ 23 sena issa huwa liberu li jinnegozja ftehimiet ta’ qabel il-kuntratt ma’ clubs barranin peress li fadallu inqas minn 13-il ġimgħa fil-kuntratt attwali tiegħu fil-Parc des Princes.
Anke jekk fadallu ftit żmien fil-kuntratt, huwa mifhum li l-player internazzjonali Franċiż għadu qed jikkontempla fejn irid jilgħab l-istaġun li ġej.
Jidher li PSG u Real huma l-uniċi żewġ timijiet li qed jiġġieldu għall-firma ta’ Mbappe, minkejja li rapport wieħed jgħid li t-tielet club kien daħal fit-tellieqa għall-akkwist potenzjali tiegħu.
Real Madrid ilhom marbutin b’mod qawwi ma’ Mbappe għal xi żmien, u l-Los Blancos għadhom kunfidenti li jistgħu jipperswadu lill-attakkant biex imur jilgħab Spanja.
Mbappe, li ngħaqad ma’ PSG mingħand Monaco għal madwar €180m fl-2018, għamel 209 dehra mal-club fil-kompetizzjonijiet kollha, fejn skorja 160 goal u pprovda 81 assist.
