L-istilla ta’ PSG Kylian Mbappe irid jara 14-il persuna jitilqu mill-club Franċiż dan is-sajf– inkluż il-manager Mauricio Pochettino u l-attakkant sieħbu Neymar.
Il-player ta’ 23 sena dan l-aħħar impenja l-futur tiegħu mal-club billi ċaħad lil Real Madrid biex jiffirma kuntratt ġdid ta’ tliet snin li jiswa £650,000 fil-ġimgħa mal-ġganti Franċiżi.
Bħala parti mill-ftehim ta’ qligħ huwa maħsub li l-Franċiż ingħata aktar poter minn wara l-kwinti u jista’ jkun lest li jkollu sehem ewlieni fis-suq tat-trasferimenti li ġej.
Ir-rebbieħ tat-Tazza tad-Dinja tal-2018 jrid ristrutturar massiv fil-club – inkluż coaching staff u players – bl-impjieg ta’ 14-il persuna jinsab f’riskju.
Qed jingħad li Neymar u l-manager Mauricio Pochettino huma ewlenin fil-lista ta’ Mbappe.
Mbappe jingħad ukoll li jrid ineħħi lill-membri ewlenin tal-iskwadra bħal Mauro Icardi, Julian Draxler, Ander Herrera, Idrissa Gueye, Leandro Paredes u Thilo Kehrer.
Sadanittant, Danilo Pereira, Layvin Kurzawa, Pablo Sarabia, Juan Bernat, Colin Dagba u Sergio Rico huma wkoll maħsuba li jinsabu fil-lista tiegħu.