Kylian Mbappe ammetta li talab li jitlaq lil Paris Saint-Germain matul it-tieqa tat-trasferimenti tas-sajf.
Bl-internazzjonali ta’ Franza li fadallu inqas minn sena fil-kuntratt tiegħu, Real Madrid għamlu numru ta’ offerti ta’ flus kbar għas-servizzi tiegħu.
Madankollu, PSG għażlu li ma jaċċettawx lanqas waħda minn dawk l-offerti, u minflok ippreferew li jużaw ix-xhur li ġejjin biex jinnegozjaw termini ġodda mar-rebbieħ tat-Tazza tad-Dinja tal-2018.
Minkejja li rrikonoxxa x-xewqa tiegħu li jitlaq mill-Parc des Princes, iż-żagħżugħ ta’ 22 sena qal li ma argumentax bid-deċiżjoni ta’ PSG li jżommuh fil-club.
Fi kliemu: “Tlabt biex nitlaq, għax mill-mument fejn ma ridtx nestendi l-kuntratt, ridt li l-club jirċievi somma ta’ trasferiment sabiex ikunu jistgħu jakkwisatw sostitut ta’ kwalità.”
“Dan il-club tani ħafna, minn dejjem kont kuntent, f’dawn l-aħħar erba’ snin li ili magħhom. Jien tkellimt kmieni biżżejjed biex il-club ikun jista’ jirreaġixxi.”
“Xtaqt li kulħadd joħroġ minn dan aktar b’saħħtu, li nitilqu id f’id, li jkollna ftehim tajjeb u rrispettajt dak.”
Jekk Mbappe ma jiffirmaw kuntratt ġdid qabel l-aħħar tas-sena, huwa jkun jista’ jibda diskussjonijiet ma’ kwalunkwe club barra minn Franza.
