L-attakkant ta’ Paris Saint-Germain, Kylian Mbappe, ċaħad dikjarazzjonijiet li ffirma ftehim ta’ qabel il-kuntratt ma’ Real Madrid.
Ir-rebbieħ tat-Tazza tad-Dinja tal-2018 se jkun bla kuntratt fil-Parc des Princes fis-sajf tal-2022 u huwa mistenni li jiffinalizza free transfer għall-Bernabeu fis-sajf.
Rapporti minn Jannar sostnew li Real Madrid kienu laħqu ftehim biex jiffirmaw lil Mbappe qabel l-istaġun 2022-23, iżda l-attakkant saħaq li għad trid tittieħed deċiżjoni dwar il-futur tiegħu.
Mbappe skorja l-ħames goal ta’ PSG fir-rebħa kbira ta’ 5-1 kontra ċ-champions renjanti tal-Ligue 1, Lille, il-Ħadd filgħaxija, u b’hekk wassal it-total tiegħu għall-club għal 152 goal f’201 dehra.
