Hekk kif kien qed jitkellem fuq stazzjon Franċiż, l-attakkant u skorer prolifiku ta’ Paris St Germain Kylian Mbappe fisser ix-xewqa tiegħu li jilgħab fil-Logħob Olimpiku 2024 li se jsir f’Pariġi.
Mbappe, li diġa’ rebaħ diversi trofej għal eta’ żagħżugħa li għandu, sostna li wara li lagħab f’żewġ edizzjonijiet tat-tazza tad-dinja u kampjonat Ewropew, issa jrid jipparteċipa f’kompetizzjoni prestiġġjuża anke sabiex jirrappreżenta lil pajjiżu.
Hu temm jgħid li hu konxju li hemm kriterji partikolari sabiex wieħed jieħu sehem u għalhekk jittama li jkun jista’ jagħmilha għal waħda mill-iktar kompetizzjonijiet antiki fl-istorja tal-isport internazzjonali.
