Floriana FC rebħu t-tellieqa biex jakkwistaw lill-attakkant Kyrian Nwoko.
Għal Nwoko it-trasferiment tiegħu ma’ Floriana FC jimmarka ritorn fil-football Malti wara ftit tas-snin. Fil-fatt, l-ex attakkant internazzjonali Malti kien iddeċieda li jkompli l-karriera tiegħu fl-Irlanda ma’ St Patrick’s Athletic.
Madankollu, meta s-self tiegħu mal-club Irlandiż wasal fi tmiemu, huwa kien iddeċieda li jtemm il-karriera tiegħu tal-football minħabba l-pożizzjoni personali tiegħu dwar ir-restrizzjonijiet tal-COVID-19.
Issa, Nwoko iddeċieda li jirritorna fil-futbol Malti u fil-jiem li għaddew kien kellu taħditiet ma’ diversi clubs tal-Premier League, iżda finalment għazel lil Floriana FC.
