Il-logħba li Napoli se jilagħbu llum kontra Sassuolo se tkun l-elf partita fil-karriera tal-kowċ tal-Partenopei Luciano Spalletti.
Bosta faħħru t-tragward li rnexxielu jilħaq il-kowċ ta’ 63 sena li twieled fil-belt ta’ Certaldo.
Diversi partitarji ta’ Napoli se jkunu qed jonoraw ix-xogħol siewi li qed jagħmel l-eks kowċ ta’ Sampdoria, Udinese, Roma, Zenit St Petersburg, Empoli u Inter.
Hu rnexxielu jwassal lit-tim ferm viċin li jirbaħ il-kampjonat Taljan għat-tielet darba hekk kif għandhom vantaġġ sostanzjali fil-klassifika fuq Inter.
Hu kien iddebutta bħala kowċ lura għas-sena 1994 meta dak iż-żmien kien jikkowċja ma’ Empoli.