Waqt żjara mad-Deputat Prim Ministru u Ministru għas-Saħħa Chris Fearne, l-Arċisqof ta’ Malta, Charles J. Scicluna bierek l-estenzjoni taċ-Ċimiterju tal-Addolorata.
Din iż-żjara saret ftit ġimgħat qabel ikunu ffinalizzati l-kuntratti tal-bejgħ tal-ewwel tliet mija u tmenin qabar f’din l-estenzjoni l-ġdida.
Mas-seba’ mitt qabar ieħor ser ikunu tlestew fl-ewwel kwart tas-sena d-dieħla.
B’kollox din l-estenzjoni se jkollha elfejn, tmien mija u tmenin qabar ġdid, li wħud minnhom għadhom jistgħu jinxtraw mid-Direttorat tas-Saħħa Ambjentali.
Tul dan il-proġett, li qed isir mill-konċessjonarju Campo Santo, sar ukoll xogħol ta’ restawr fuq diversi statwi u żoni taċ-Ċimiterju tal-Addolorata, filwaqt li x-xogħlijiet fuq il-kappella taċ-ċimiterju mistennija jibdew fil-bidu tas-sena d-dieħla.
