Intlagħbu biss 11-il partita internazzjonali minn meta nħarġet l-aħħar lista tar-Ranking tad-Dinja tal-Irġiel tal-FIFA/Coca-Cola f’Novembru.
Disgħa minn dawn il-logħbiet raw timijiet tal-Oċeanja li pparteċipaw fil-Logħob tal-Paċifiku. It-tnejn l-oħra kienu jinvolvu lill-Kolombja, li ffaċċjaw lill-Venezwela u lill-Messiku f’partiti ta’ ħbiberija.
Minħabba n-nuqqas ta’ azzjoni, ma tantx kien hemm tibdil fl-edizzjoni tal-lista ta’ Diċembru. Sena wara li daqu l-glorja fit-Tazza tad-Dinja tal-FIFA fil-Qatar 2022, l-Arġentina (l-ewwel) għadha fuq nett hekk kif l-2023 toqrob lejn tmiemha. Franza (it-tieni) u l-Ingilterra (3) jtemmu l-podju ta’ tmiem is-sena u ma kien hemm l-ebda moviment sinifikanti fl-ewwel 13.
Għaldaqstant, l-ewwel 10 spiċċaw hekk: 1. Arġentina; 2. Franza; 3. Ingilterra; 4. Belġju; 5. Brażil; 6. Olanda; 7. Portugall; 8. Spanja; 9. Italja; 10. Kroazja.
It-team Malti baqa’ jokkupa l-172 post meta tilef il-logħob kollu tal-grupp tan-Nations League meta kellu miegħu lill-Ingilterra, l-Italja, l-Ukrajna u l-Maċedonja.
