Fi żvilupp li seħħ fl-aħħar sigħat, l-armata Sudaniża reġgħet ħadet il-Palazz Presidenzjali fil-kapitali, Khartoum.
Din qiegħda titqies bħala rebħa simbolika ħafna fuq il-kamp tal-battalja fuq dawk imsejħa Rapid Support Forces fil-gwerra ċivili katastrofika tal-pajjiż.
Filmati mibgħuta fuq il-midja soċjali wrew suldati iġorru armi u rokits fil-Palazzo Presidenzjali. Uffiċjal liebes ta’ kaptan ħabbar li l-Palazz jinsab f’idejhom.
F’post fuq X, Khaled al-Aiser, il-Ministru tal-Informazzjoni tas-Sudan, qal li l-militar reġgħu ħadu l-palazz.