L-assistent referee Constantine Hatzidakis se jirritorna nhar is-Sibt għall-ewwel darba mill-inċident mad-difensur ta’ Liverpool, Andy Robertson, f’Anfield.
Hatzidakis twaqqaf sakemm issir investigazzjoni, iżda tneħħa minn kull att ħażina mill-Football Association.
L-uffiċjal se jkun assistent referee fil-logħba taċ-Championship bejn Preston u Blackburn f’Deepdale.
Hatzidakis qal li kien skuża ruħu ma’ Robertson fuq telefonata permezz ta’ Zoom.
Il-captain tal-Iskozja avviċina lill-uffiċjal fi tmiem l-ewwel taqsima kontra Arsenal fid-9 ta’ April u filmati televiżivi dehru juru li l-minkeb ta’ Hatzidakis għamel kuntatt ma’ geddum il-player.
Iżda, wara d-deċiżjoni tal-FA li ma tieħux azzjoni ulterjuri, Hatzidakis se jkun ukoll l-assistent tal-VAR meta Leeds jilqgħu lir-rivali tar-relegazzjoni, Leicester City, nhar it-Tlieta, 25 ta’ April.
L-eks referee tal-Premier League, Keith Hackett qal li jekk jinstab ħati l-karriera ta’ Hatzidakis “tista’ tkun fil-periklu”, iżda Martin Cassidy, uffiċjal kap eżekuttiv ta’ Ref Support UK, qal li jemmen li Hatzidakis ġie kkastigat biżżejjed.
L-inċident seħħ wara li l-attakkant ta’ Fulham, Aleksandar Mitrovic, ingħata sospensjoni ta’ tmien logħbiet talli mbotta lir-referee waqt partita kontra Manchester United.
