Il-Ħadd li għadda sar turnament bejn it-timijiet li se jipparteċipaw fil-kampjonat nazzjonali tal-Hockey bl-objettiv li jippreparaw sew għall-istaġun li ġej.
Ħames timijiet ipparteċipaw f’dan it-turnament u dawn kienu ċ-champions GREE Sliema Hotsticks, White Hart, Trust Payments Floriana Young Stars, Qormi Daikin 1 u Qormi Daikin 2.
Kull tim lagħab kontra xulxin fejn intlagħbu total ta’ għaxar logħbiet ta’ 17.5 minuta -il waħda bil-partiti li kienu ferm bilanċjati.
Sliema kienu l-iktar tim konsistenti f’dan it-turnament hekk kif rebħu lil Qormi 1, White Hart u Floriana bl-iskor identiku ta’ 1-0 filwaqt li ġew dro ta’ 0-0 kontra Qormi 2.
Sadanittant nhar il-Ħadd li ġej jiftaħ uffiċjalment l-istaġun 2022/23 tal-Hockey lokali meta fil-kumpless f’Kordin tintlagħab is-Super Cup bejn Qormi Daikin u GREE Sliema Hotsticks.
