L-atleta Marokkin Aziz Ait Ourkia huwa r-rebbieħ tal-Maratona tal-Life Star Malta 2025 wara li l-Ħadd għamel prestazzjoni qawwija fit-tellieqa popolari fuq distanzi twal.
Ourkia temm id-distanza f’sagħtejn, 15-il minuta u 20 sekonda biex kisbet ir-rebħa f’tellieqa ddominata minn runners Marokkini.
Il-Malta LifeStar Marathon tal-2025 attirat rekord ta’ 5,100 atleta, li 2,600 minnhom ġew minn 80 pajjiż differenti.
L-ewwel erba’ pożizzjonijiet tat-tiġrija ta’ 42.1km imtlew minn atleti ġejjin mill-Marokk hekk kif Ourkia kienet segwita darhom minn Moussab Hadout li għamel 2:15.33 filwaqt li Lhoussaine Oukrid temm il-podju b’ħin ta’ 2:16.12.
Ourkia iddomina t-tellieqa ladarba mexxa t-triq minn grupp ta’ ħames atleti ftit ‘il barra minn Ta’ Qali u minn hemm ‘il quddiem mexxa tellieqa solitarja biex spiċċa ’l bogħod minn sħabu u kiseb l-ewwel rebħa tiegħu fil-Maratona ta’ Malta.
Il-ħin ta’ Ourkia kien ftit aktar minn żewġ minuti inqas mill-ħin rekord stabbilit minn atleta Marokkin ieħor Alaa’ Hrioued li kien rebaħ fit-tellieqa tal-2023 f’ħin ta’ 2:13.18.
Charlton Debono, tal-Evolve Endurance Club, kien l-ewwel atleta Malti meta spiċċa fis-sitt post b’ħin ta’ 2:29.19.
Debono spiċċa qabel sieħbu Andrew Grech li kklassifika fis-seba’ post fuq 2:30.58.
Fit-tellieqa tan-nisa, l-atleta Ingliża Jemima Farley, li tgħix u titħarreġ Malta, naqset milli ttejjeb ir-rekord tal-korsa tagħha stess li kienet stabbilita s-sena l-oħra meta spiċċat fl-ewwel post f’ħin ta’ sagħtejn 35 minuta u 48 sekonda.
Farley, li hija rreġistrata mal-Ladies Running Club, kienet biss seba’ sekondi inqas mir-rekord tagħha stess ta’ 2:35.41 miksub fit-tellieqa tal-2024.
Fin-nofs maratona, l-atleta Pollakk Filip Janczak kiseb ir-rebħa ġenerali wara li qasam il-linja finali f’siegħa disa’ minuti u 44 sekonda.
L-atleti Maltin Mark Herrera u Tommy Wallbank kienu involuti fi sprint mill-qrib għat-tieni post.
It-titlu tan-nisa mar għand l-atleta Ungeriż Edit Filo li temmet il-maratona f’ħin ta’ siegħa 21 minuta u 19-il sekonda.
Filo spiċċa qabel il-Montenegrina Jelena Ivkovic li għamlet ħin ta’ 1:21:42 filwaqt li t-tielet post mar għall-atleta ta’ New Zealand Isabella Natale li għamlet il-maratona f\ħin ta’ 1:22.25.
Rosalie Borg ta’ Malta tilfet post fuq il-podju meta spiċċat it-tellieqa f’1:22.45.
Kien Herrera ta’ Athleta Pembroke li qabeż lil Wallbank meta rreġistra ħin ta’ 1:09.54, sekonda biss aktar veloċi mill-atleta tal-Mellieħa AC.
Għal Herrera, il-prestazzjoni tal-Ħadd kienet titjib notevoli fuq l-aqwa ħin personali tiegħu hekk kif irnexxielu jikser il-barriera ta’ siegħa għaxar minuti.
