L-Avukat Ġenerali ressaq appell kontra il-liberazzjoni mill-Qorti ta’ kuntistabbli tal-pulizija akkużat bi stupru u fastidju sesswali fuq il-kollegi feminili li kienu jaħdmu miegħu fl-għassa tal-Imsida.
F’appell imressaq illum, l-Avukat Ġenerali għamel talba lil Qorti sabiex tħassar id-deċiżjoni tal-Imħallef Consuelo Scerri Herrera li teħles lill-imputat.
F’Marzu li għadda, il-kuntistabbli tal-pulizija li għandu 33 sena tneħħa mill-akkużi ta’ stupru iżda nstab ħati li ta fastidju lil kollega feminili oħra. Huwa ngħata sentenza sospiża ta’ sena ħabs, valida għal perjodu ta’ sentejn.
Waqt is-seduta tal-appell li saret quddiem il-Prim Imħallef Mark Chetcuti flimkien mal-Imħallfin Ewdina Grima u Giovanni Grixti, il-partijiet għamlu diskussjoni dwar l-ammissibbiltà tad-dikjarazzjoni inkriminanti li saret mill-uffiċċjal lura għal l-2018.
L-avukati difensuri Franco Debono u Edward Gatt sostnew li l-konfessjoni kienet nieqsa minn validità legali. Huma qalu li din kienet nieqsa minħabba bidla fil-liġi dwar il-kawtela ta’ individwi arrestati. L-avukat Debono qal li l-liġi ġiet emendata f’Novembru tal-2016 u li magħha ġiet immodifikata ukoll il-proċedura ta’ cautioning.
Skont Debono, il-kawtela kienet tinkludi r-regola tal-inferenza, li ma kinitx għadha applikabbli, u ppermettiet li kull ommissjoni magħmula mill-imputat tintuża kontrih. Debono sostna ukoll li din il-limitazzjoni imposta mill-pulizija kienet ikkawżat tbatija sinifikanti lill-akkużat.
Min-naħa tiegħu d-Deputat Avukat Ġenerali Philip Galea Farrugia irrikonoxxa li l-kawtela użata kienet waħda skaduta. Farrugia għamel enfasi li dan kollu ma għandux jaffettwa il-kontenut tal-qrar. Huwa oġġezzjona għat-talba tad-difiża għal deċiżjoni dwar din il-kwistjoni qabel ma tindirizza l-aspetti li fadal tal-appell, u sostna li m’għandux ifixkel lill-Qorti milli tordna kawża mill-ġdid.
Il-Qorti iddeferiet il-każ għal bidu ta’ Lulju sabiex tasal għal deċiżjoni dwar din il-kwistjoni.
