Mill-awtopsja li saret fuq il-katavru tal-attriċi ta’ Glee Naya Rivera rriżulta li hija mietet b’għarqa aċċidentali. Iċ-ċentru mediku ta’ Ventura qal li, “il-kawża tal-mewt hija għarqa u l-manjiera ta’ mewtha hija inċident”.
L-attriċi ta’ 33 sena hija l-iktar magħrufa għall-irwol tagħha s-sensiela Glee fejn kienet tinterpreta l-karattru ta’ Santana Lopez. Hija kienet irrapportata nieqsa wara mawra li għamlet b’dgħajsa f’għadira ġewwa Califronia. Il-katavru ta’ Rivera nstab nhar it-Tnejn li għadda wara tfittxijiet estensivi li saru minn għaddasa professjonali.
Hija kienet ilha rrapportata nieqsa minn nhar l-Erbgħa tal-ġimgħa li għaddiet.
