Mal-aħbar li aktar kmieni kienu qabdu xi vetturi fl-Iklin, xi kummenti fuq il-midja soċjali bdew jispekulaw dwar il-possibbilità ta’ konnessjoni bejn dan l-inċident u d-delitt tal-bieraħ f’Tas-Sliema.
Inewsmalta tista’ tikkonferma li l-vettura fl-Iklin inħakmet minn nirien ftit minuti wara li sidtha pparkjat. Jidher li n-nirien żviluppaw minn difett fl-istess karozza u għalhekk kelliem għall-Pulizija kkonferma magħna li l-Pulizija mhi tagħmel l-ebda konnessjoni bejn iż-żewġ każi.
