L-eks champion Olimpiku tat-800m, David Rudisha, ħelisha minn ħalq il-mewt wara li ajruplan li kien qed itir fih ikkraxxja.
L-ajruplan – li kien qed iġorr lil Rudisha ta’ 33 sena, u ħamsa oħra – ikkraxxja f’Kajiado liema belt tinsab fix-xlokk tal-Kenja.
Rudisha qal li kien ‘episodju tal-biżgħa’ hekk kif wara inqas minn 10 minuti fl-arja l-magna tal-ajruplan f’daqqa waħda waqfet taħdem.
Huwa qal: “Il-bdot ra xi spazju fejn ipprova jniżżel l-ajruplan, iżda waħda mill-ġwienaħ tiegħu laqtet ma’ siġra hekk kif l-ajruplan beda jdur qabel niżel f’għalqa.
“L-abbiltá tal-bdot kienet waħda inkredibbli biex iżomm l-ajruplan fl-ajru stabbli għal żmien twil.
“Irridu nirringrazzjaw lil Alla li lkoll ħriġna ħajjin u ta’ dan irridu nirringrazzjaw lill-bdot għall-kapaċitajiet tiegħu.”
