L-eks Ambaxxatur Amerikan għan-Nazzjonijiet Uniti Bill Richardson miet fl-età ta’ 75 sena. Filwaqt li serva taħt il-President Bill Clinton, huwa rebaħ l-ammirazzjoni ta’ bosta għall-impen tiegħu biex jiżgura l-ħelsien taċ-ċittadini Amerikani miżmuma madwar id-dinja.
Huwa kompla dak ix-xogħol anke barra mill-politika, tant li s-sena l-oħra kien ivvjaġġa lejn Mosta biex jiddiskuti l-ħelsien tal-istilla tal-basketball Britney Griner.
Fi stqarrija li ħareġ tard is-Sibt filgħaxija, Clinton qal li Richardson “ħadem bla heda għall-kawżi tal-libertà, il-ġustizzja u l-opportunità. Kemm jekk f’kapaċità uffiċjali u anke f’dik mhux uffiċjali, huwa kien negozjatur b’saħħtu u persistenti li għen biex id-dinja ssir aktar sigura u rebaħ il-ħelsien ta’ ħafna individwi miżmuma b’mod inġust barra mill-pajjiż.”
