L-iskier Maltija Jenny Axisa Eriksen għamelt id-debutt tagħha fl-Olimpjadi tax-Xitwa meta kkompetiet fit-tellieqa Skate tal-10km ġewwa Milano-Cortina illum il-Ħamis.
L-atleta ta’ 20 sena hija l-ewwel cross-skier ta’ Malta li qatt irrappreżentat lil pajjiżna f’dan il-Logħob prestiġjużi. Hija kkompetiet bin-numru 103, u għamlet ħin ta’ 32 minuta u 51 sekonda, u ġiet fil-107 pożizzjoni, għaxar minuti wara r-rebbieħa tal-midalja tad-deheb.
F’kummenti esklussivi ma’ dan is-sit eżattament wara t-tellieqa hija qalet li: “Għamilt pjan tajjeb għat-tellieqa, u ħassejtni pjuttost tajjeb mill-bidu. L-ewwel dawra marret kif ippjanat b’pass ikkalkulat. Wara l-ewwel dawra bdejt inħossni ma niflaħx ħafna u kważi rremettajt.”
“Dan għamilha diffiċli ħafna biex nidħol fin-niżliet u niffoka fuq it-tellieqa qawwija fit-telgħat u l-partijiet ċatti. Huwa diżappuntanti li xi ħaġa li ma nistax nikkontrolla tagħmel differenza daqshekk kbira għat-tellieqa.”