Il-Federazzjoni Kaċċaturi Nassaba Konservazzjonisti (FKNK) ħeġġet lill-Membri Parlamentari Ewropej biex jivvotaw kontra proposta tal-Kummissjoni Elettorali li tirrestrinġi l-użu ta’ sparar ta’ ċomb fuq artijiet mistagħdra.
Il-federazzjoni tal-kaċċaturi qalet li filwaqt li mhijiex kontra t-tnaqqis gradwali fl-użu ta’ sparar ta’ ċomb, il-proposta tal-Kummissjoni tikser id-drittijiet fundamentali ta’ aktar minn 10 miljun kaċċatur fl-Ewropa, fosthom 20,000 f’Malta.
Il-proposta tgħid li kull min jinstab iġorr munizzjon sa 100 metru minn artijiet mistagħdra jkun jeħtieġ li jipprova l-innoċenza tiegħu. Il-Federazzjoni qalet li dan jaqleb id-drittijiet tradizzjonali tal-preżunzjoni tal-innoċenza.
Il-kaċċaturi Ewropej qed jinsistu li l-proposta għandha tintbagħat lura lill-kumitat Ewropew dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH).
